लीबियाः गद्दाफी झुकल, युद्ध विरामक घोषणा

लिबिया, चैत ५ । संयुक्त राष्ट्रके दिसस लीबियामें नो फ्लाई जोनके मंजूरी दैते लीबिया युद्धविरामके घोषणा केलक अछि ।
अहिस पहिने फ्रांस दावा केने छल जे अमेरिका तथा ओकर सहयोगी देशके दिसस लिबियाके खिलाफ किछुए घंटाके भितर सैन्य कार्रवाही कएल जाएत । युद्धविराम आ फ्रांसके दावाके बाद लीबियाई राष्ट्रपति वैश्विक दबावके आगु झुकैत काल्हि युद्धविराम घोषित करयके सँगही विद्रोहीके खिलाफ सम्पुर्ण सैन्य अभियान रोकि देने अछि ।
लीबियाके विदेश मंत्री मूसा कौसा सरकारी टेलीविजन चैनल प प्रसारित अपन संबोधनमें कहलनि जे हमसब युद्धविरामके घोषणा क देने छी आ संयुक्त राष्ट्र सुरक्षा परिषद के प्रस्तावके अनुसार सम्पुर्ण नागरिकके सुरक्षा सुनिश्चित करय लेल सभ किसिमक सैन्य अभियानके रोकि देने छी ।
कौसा कहलनि जे युद्धविराम लागू भेलास देश एक बेर फेउर सुरक्षित स्थितिमें आबि जाएत