जनकपुर, फागुन १९ । बिरगंजमे भऽ रहल एमजि ट्रफिक टि ट्वाईन्टि टुर्नामेन्टक आजुक खेलमे जनकपुर क्षेत्र नम्बर ७, बैतडी क्षेत्र नम्बर ६ के पराजित कएलक अछि।
टस जित कऽ पहिने बल्लेबाजि करैत क्षेत्र नम्बर -६ बैतडी १५.५ ओभरमे सम्पुर्ण बिकेटक क्षतिमे ७६ रन बनओने छल। जनकपुरक राज मोहम्मद १२ रन खर्चा करैत ४ बिकेट लेने छल । तहिना, अनिल मण्डल ३ आ कुमार प्रशुन्न २ बिकेट लेने छलथि ।
प्रतिउत्तरमे ७७ रनक बिजयी लक्ष्य ल मैदानमे उतरल जनकपुर ३ बिकेटक क्षतिमे मात्र १३ ओभरमे जितयमे सफल भेल छल । जनकपुरक दिसस अनिल मण्डल ३६, शोभाकान्त पाण्डे १३ , हरी शँकर साह १० रन बनौने छलथि ।
महतो ग्रुपक आयोजनमे चलि रहल एमजि ट्रफिक टि ट्वाईन्टि टुर्नामेन्टक आजुक खेलमे जनकपुरक राज मोहम्मदके मैन अफ दि मैच देल गेल नेपाल क्रिकेट संघक केन्द्रिय सदस्य एबम क्षेत्र नम्बर -७ जनकपुरक उपाध्यक्ष गिरीजानन्दन मिश्र जानकारी देलनि अछि।
No comments:
Post a Comment