तुरन्ते सरकारक विकल्प नहि अछिः सिंचाईमन्त्री महासेठ

जनकपुरधाम,  बैशाख ६ । सिंचाई मन्त्री रघुवीर महासेठ तुरन्ते अहि सरकारक विकल्प नहि रहल बतौलन्हि अछि । देशके अखन सभसँ प्रमुख एजेण्डा रहल शान्ति प्रक्रिया आ संविधान निर्माणक काज समय भितरमे यैह सरकार पुरा करत ओ कहलन्हि । संविधान नहि बनय देबयके दिशामे विभिन्न षडयन्त्रकारीसभ लागल होइतो संविधान निर्माणक खाकासभ निर्णायक अवस्थामे पहुँच गेलासँ ओ षडयन्त्रसभ विफल हाएत हुनक कथन छलन्हि ।

सीमाञ्चल पत्रकारिता प्रवद्र्धन केन्द्रद्वारा जनकपुरमे आइ आयोजित पुरस्कार वितरण समारोहमे बजैत एमालेक केन्द्रीय सदस्य सेहो रहल मन्त्री महासेठ सरकारकेँ असफल करय लेल सभ पार्टी अपने–अपने तरिकासँ डम्फा पिट रहलाक कारण समस्यासभ बढैत गेल दावी कएलन्हि ।

ओ कोनो पार्टीकेँ कात लगा कऽआगु बढल नहि जा सकैत अछि कहैत आन्तरिक रुपमे सभ पार्टीसभसँ बताचित भऽ रहल आ जल्दिए सरकार सेहो पूर्णता पाओत जानकारी देलन्हि । कदाचित समयमे संविधान नहि बनत तऽ देशमे गम्भीर संकट आओत हुनक कहव छलन्हि ।