समायोजन विशेष समितिक बैसार आइयो

१७ साउन, काठमाडौँ । माओवादी सेनाके लडाकूसबहक रेखदेख, समायोजन, तथा पुर्नस्थापनासम्बन्धी विशेष समितिके बैसार आइ सेहो बैसय जा रहल अछि ।

बैसार बेरियाके ५ बजे नयाँबानेश्वरस्थित समितिके सचिवालयमे बजाओलगेल अछि । बैसारमे आइ सेहो सेना समायोजनके मोडालिटी, संख्या, तह मिलान तथा स्वेच्छिक अवकाशमे जाएबला लडाकूके देल जाएबला राहत प्याकेजके विषयमे बिमर्श करयके कार्यसूची अछि । दलसब बीचमे समायोजन मोडालिटीमे सहमति नहि भेलासँ अहिसँ आगु सेना समायोजनके कार्यतालिका बेर बेर प्रभावित होइत आबि रहल अछि ।

कांग्रेस-एमाले सहितक दलसब शिक्षा, उमेर, तालिम आदि सुरक्षा निकायके स्थापित मापदण्ड पूरा करयके लडाकूके मात्रे व्यक्तिगत रुपमे समायोजन करय  सकयके अडान रखैत आएल अछि । एम्हर, माओवादी व्यक्तिगत ढंगसँ कएल जाएबला समायोजनसँ जनसेना पछिला गणतन्त्र सहितक पछिला राजनीतिक परिवर्तनमे रहल भूमिकाके अवमुल्यन होयबाक अडानमे अछि ।