सदस्यसब विदेश गेलाबाद विशेष समितिक बैसार स्थगित

२० कात्तिक, काठमाडौं । सेना समायोजन विशेष समितिके आजुक बैसयबला बैसार स्थगित भेल अछि । विशेष समितिक अधिकांश सदस्यसब विदेश भ्रमणमे रहलासँ बैसार स्थगित कएलगेल अछि ।

विशेष समितिक सदस्यसब इश्वर पोखरेल, डा. रामशरण महत, जेपी गुप्ता आ जितेन्द्र देव देश वाहर छथि । आजुक बैसारमे सचिवालय माओवादी लडाकूसबहक पुनःस्थापना प्याजेकके विस्तृत कार्ययोजना पेश करयके कार्यसूची छल ।

शुक्रदिन बैसल विशेष समितिक बैसारसँ दु दिन भितर पुनःस्थापना प्याकेजके विस्तृत कार्ययोजना पेश करय सचिवालयके निर्देशन देने छल । दलसबबीच भेल सातबुँदे सहमतिमे पुनःस्थापनामे जाएबलासबके शिक्षा, तालिम तथा व्यवसायिक अवसरसबहक प्याकेजके विकल्प देबयके उल्लेख अछि । एहन प्याकेज ६ सँ ९ लाखधरिके हाएत ।

सेना समायोजन विशेष समिति कार्तिक ३० गतेसँ लडाकूसबहक पुनःवर्गिकरण करयके निर्णय अहिसँ आगुए कऽ चुकल अछि ।