इटहरी, अगहन २१ । जाली नोट बनाबय काटि कऽ राखल एक लाख थान कागज, चोरीके मोटरसाइकल आ कटुवा पेस्तोलमे लागयबला एक थान गोली सहित पुलिस ४ गोटेके गिरफ्तार केलक अछि ।
इलाका प्रहरी कार्यालय दुहबवीसँ गेल पुलिसक टोली विराटनगर स्थित आयल निगम पाछु रहल घरसँ ओकरासबके गिरफ्तार केलक अछि ।
गिरफ्तार होबयबलामे विराटनगर– ५ के छोटु मण्डल, मिथिलेस शर्मा, सुनसरी सोनापुरके सकित खान आ दुहवी– ३ के विशाल उराव रहल प्रहरी निरीक्षक मेघराज थापा बतौलनि ।
काल्हि दुहवी–५ मे बरियाती गेल इटहरी– ५ के प्रेम मगरके हतियार देखा कऽ मण्डल आ शर्मा सुनसरीके सोनापुर सडक खण्डमे हुनकर को ११ प ५७९ नम्बरक मोटरसाइकल लुटि कऽ लगेलाबाद सुराकीके आधारमे ओकरासबके गिरफ्तार केने पत्रकार सम्मेलनमे प्रहरी निरिक्षक थापा बतौलनि ।
ओकरासबहक सँगसँ करिब आधा दर्जन मोबाइल फोन सहितक सामानसब सेहो बरामद भेल ओ जानकारी देलनि ।
No comments:
Post a Comment